വഴി എന്നാലെന്ത് എന്നതിന് ഉത്തരം തേടി ഞാന്‍ കേരലത്തിലങ്ങോലമിങ്ങോളം നടന്നു ..
പുറമ്പോക്കുവീട്ടില്‍ വളര്‍ന്ന കുട്ടി പറഞ്ഞു:
വളയം കയ്യില്‍ ഉള്ളവന്റെ അഹങ്കാരവും അക്രമണവാസനയും പുറത്തു കാട്ടാനുള്ള സ്ഥലം .
അവന്‍റെ അമ്മ:
തുണിയും മറ്റു സാധനങ്ങളും ഉണക്കാന്‍ ഇടാനുള്ള സ്ഥലം .
കര്‍ഷകശ്രീമാനായ സുഹൃത്ത്‌ :
കാലിയെ മേയിക്കാനും കപ്പയുനക്കാനും പറ്റിയ സ്ഥലം...
പൊതു മരാമത്ത് വകുപ്പിലുള്ള സുഹൃത്ത്‌:
നാഴികയ്ക്ക് നാല്പ്പതുവട്ടവും നന്നാക്കാനുള്ള പണിയും പണവും പൊഴിക്കുന്ന രാഷ്ട്രീയ -കരാറുകാരുടെ അഴിമതി അക്ഷയപാത്രം.
വഴിയാത്രക്കാരനായ പൌരന്‍ :
ആയുസെത്തും മുന്‍പ് മുകളിലേക് ടിക്കറ്റ്‌ തന്നു വിടുന്നിടം .
വഴിക്കവലയില്‍ മുഴുനേരവും വായ്നോക്കു കൂലി പോലും വാങ്ങാതിരിക്കുന്ന തൊഴിലാളി സഖാവ് :
നന്നായും വേഗത്തിലും പോകുന്നവനെതിരെ കാഹളം മുഴക്കാനും കല്ലെറിയാനും വഴിതടഞ്ഞാല്‍ ആളെ കിട്ടുന്നിടം .
ഇനിയും നിങ്ങളെപോലുള്ള ഒത്തിരി പേര്‍ ഒത്തിരി കാര്യം പറഞ്ഞു....
....................
.....................
ഏറ്റവുമൊടുവില്‍ മടുത്തു വീട്ടിലെത്തിയ ഞാന്‍ അടുപ്പില്‍ തീ പിടിപ്പിക്കാനെടുത്ത പഴയ ഒരു വൈദേശിക സാമൂഹ്യ പാഠ പുസ്തകത്തില്‍
'വഴികള്‍ നാടിന്റെ വികസന ഞരമ്പുകള്‍ ' എന്ന് ഞാന്‍ വായിച്ചു...
......വഴിയുടെ അര്‍ത്ഥം മറക്കാതിരിക്കാന്‍ ഞാനൊരു നിഖണ്ടു വാങ്ങാന്‍ പോകുന്നു .... വഴിതടയല്ലേ പ്ലീസ് !!!!!!!!!
03.07.2010
No comments:
Post a Comment