ഓര്‍മ്മകളില്‍ പൊന്നുണ്ണി....

 "

ഓര്‍മ്മകളില്‍
           സ്നേഹത്തിന്റെയും ആഹ്ലാദത്തിന്റെയും ക്രിസ്തുമസ് പാപ്പമാര്‍  ,
                                   പൂത്തിരി മത്താപ്പുകളുമായ്    ,
                         ഗ്ലോറിയ പാടുന്ന സ്വര്‍ഗീയഗായകവൃന്ദത്തോട്  ചേര്‍ന്ന്
                                                                        പടികയറി വരുമ്പോള്‍ 
കഴിഞ്ഞ നാളുകളിലെ ക്രിസ്തുമസ്സുകളില്  എന്ന പോലെ ഈ ക്രിസ്തുമസ്സിനും നിന്നെക്കുറിച്ചുള്ള വെണ്മയുള്ള  ഓര്‍മ്മകള്‍ എന്‍റെ പുല്‍കൂട്ടില്‍ മഞ്ഞു പെയ്യിക്കുന്നു.


ആ ഓര്‍മകളോടെയാണ് ഞാന്‍ നിനക്ക് ഈ കുറിപ്പ് അയക്കുന്നത്..

പ്രിയപ്പെട്ട ചങ്ങാതി  ,    നന്മയുടെ സദ്യ വിളമ്പിത്തരുന്ന  നല്ല ഓര്‍മ്മകള്‍ ഈ ക്രിസ്തുമസ് നിനക്ക് സമ്മാനിക്കട്ടെ..

ഈ  ക്രിസ്തുമസ്സിന്റെ എല്ലാ മംഗളങ്ങളും , വരാനിരിക്കുന്ന വര്‍ഷത്തിന്റെ ശുഭപ്രതീക്ഷകളോട്  ചേര്‍ത്ത് ഞാന്‍ സ്നേഹപൂര്‍വ്വം  ആശംസിക്കുന്നു!!!


പ്രിയമോടെ,

മിഖാസ്  കൂട്ടുങ്കല്‍

മുല്ല'പ്പെരിയോര്‍'

കയറിക്കിടക്കാന്‍  ഇടം കൊടുത്തവനെ ചവിട്ടിപ്പുറത്താക്കി തറവാട് കൈക്കലാക്കുന്ന തരത്തില്‍ - മലയാളിയെ  മണ്ടനാക്കുന്ന  പ്രക്ഷോഭ വിഷയങ്ങളും വിശേഷങ്ങളുമായി തമിഴ് ക്രിമിനല്‍ നേതാക്കന്മാര്‍  അക്രമങ്ങള്‍ക്ക് കോപ്പ് കൂട്ടുമ്പോള്‍ -ഇന്ത്യന്‍ വളര്‍ച്ചക്ക് തുരങ്കം  വയ്ക്കുന്ന എതിര്‍ ശക്തികള്‍ അട്ടഹസിക്കുന്നുണ്ടാവണം. ഇനി തമിഴ് നഗരങ്ങളില്‍ കേരളത്തിന്റെ പേരും പറഞ്ഞു ആരെങ്കിലും കൊണ്ട് വന്ന് ബോംബു വയ്ക്കില്ലെന്ന് ആര് കണ്ടു? പിന്നെ തമ്മില്‍ തല്ലിച്ച് കൊല്ലാന്‍ എളുപ്പമായിരിക്കുമല്ലോ? ഇനി തീവ്ര വാദികളുടെ ചാകരയാകും ഇരു നാടുകളിലും  എന്ന് ഊഹിക്കാന്‍ വല്യ ബുദ്ധിയൊന്നും വേണമെന്നു തോന്നുന്നില്ല. മന്‍മോഹന്‍ജിയും  കൂട്ടരും തടിച്ചി തള്ളയുടെ ഉടുപ്പിന്‍ കീഴിലങ്ങനെ ഇരിക്കട്ടെ ? രാഷ്ട്രീയ ക്കാരുടെ ഓരോ കഷ്ടപ്പാടുകള്‍? എന്തായാലും കോണകവാല്  പോലുള്ള  കേരളത്തിനും അവിടുത്തെ ആളുകള്‍ക്കും ആ പറഞ്ഞ സാധനത്തിന്റെ പോലും വിലയില്ല എന്ന്  പാണ്ടിപ്പട പഠിപ്പിച്ചു തന്നു. ഇനി രഹസ്യാന്വേഷകര്‍ വിദേശ ഫോണുകളും ചോര്ത്തിക്കൊണ്ട് ഇരിക്കട്ടെ!
ഇവിടെ ശ്രീലങ്കന്‍ ഗെയിം  എന്നൊരു ഗെയിം കണ്ടു പിടിച്ചു കളി തുടങ്ങി ക്കഴിഞ്ഞു അവന്മാര്‍! ..........

ബുദ്ധിജീവികളോട് ഒരു മണ്ടന്‍ പ്രജ

ലോക  രാഷ്ട്രങ്ങളെല്ലാം ഇരുട്ടില്‍ നിന്നു വെളിച്ചത്തിലേക്ക് വരുന്ന കാലം ഊര്‍ജ പ്രതിസന്ധിക്ക് പരിഹാരം കാണുന്ന കാലമാണെന്ന് മനുഷ്യന്‍ വിചാരിച്ചെങ്കില്‍ അവനു തെറ്റിയെന്നു ഭൌമ പ്രതിഭാസങ്ങള്‍ വിളിച്ചു പറയുന്നു. എല്ലാ കൃത്രിമങ്ങള്‍ക്കും പിമ്പില്‍ ഒരു തിരിച്ചടി ഒളിച്ചിരിക്കുന്നു; Every action has a reaction എന്ന് പറയുമ്പോലെ.

ഊര്‍ജ പ്രതിസന്ധിക്ക് ചെലവു കുറഞ്ഞ പരിഹാരമെന്നു ആണവ നിലയങ്ങള്‍ പുകഴ്തപ്പെടുംപോഴും പിന്ഗാമികള്‍ക്കായി കെട്ടിപ്പൊക്കുന്ന  ശവക്കുഴിയാണ് അവ എന്ന ആശങ്കയുടെ തീയ്ക്കു ആണവ നിലയങ്ങള്‍ക്കുള്ളിലെക്കാള്‍ ചൂടുണ്ടാവണം.

താരതമ്യേന പ്രത്യാഖാ(?)തങ്ങളില്ലെന്ന് കരുതിപ്പോന്നിരുന്ന ജലവൈദ്യുത  പദ്ധതികളും പരിസ്ഥിതിയുടെയും മനുഷ്യന്റെയും അന്തകനായെക്കുമെന്നും പ്രകൃതി ദുരന്തങ്ങള്‍ കാട്ടി തരുന്നു .

 ചെലവേറുമെങ്കിലും ചൂടന്‍ നാടുകള്‍ക്ക്  ഏറെ അനുയോജ്യമായ സോളാര്‍ പാടങ്ങള്‍  ,  തിരമാലകളില്‍ നിന്നും ഊര്‍ജം ശേഖരിക്കല്‍ പദ്ധതികള്‍  , കാറ്റാടി പദ്ധതികള്‍  (കാലാവസ്ഥ മാറ്റുമെന്ന ആക്ഷേപമുണ്ടെങ്കിലും) , ജിയോ  തെര്‍മല്‍ പദ്ധതികള്‍ (ഭൌമാന്തര്‍ ഭാഗത്തെ തിളച്ചു പൊങ്ങുന്ന  ഊര്‍ജം  ഉപയോഗപ്പെടുത്തുന്ന മാര്‍ഗം -ഭൂമിയുടെ എല്ലാ ഭാഗത്തും  സാധ്യമല്ല  ) ഇങ്ങനെ ഇതര ഊര്‍ജ സംഭരണ മാര്‍ഗങ്ങള്‍ ഉപയോഗപ്പെടുത്താവുന്നതിന്റെ   സാധ്യതെയെപ്പറ്റി നമ്മുടെ ശാസ്ത്രഞ്ജന്മാര്‍  തലപുകയേണ്ട സമയം അതിക്രമിച്ചിരിക്കുന്നു. 

ഭാവിയിലേക്ക് ഒരു കെണിയല്ല നമുക്ക് ആവശ്യം. സമാധാനവും സുരക്ഷിതത്വവും  പ്രദാനം ചെയ്യുന്ന വികസനമാണ് ലോകരാഷ്ട്രങ്ങള്‍ കൊതിക്കുന്നത്.

ഇനി വന്‍കിട ജല പദ്ധതികളും ആണവ പദ്ധതികളും നമുക്ക് വേണോ..? കേരളത്തിന്റെ സാഹചര്യത്തില്‍ വെള്ളച്ചാട്ടങ്ങള് ഉള്ളിടങ്ങളില്‍ ചെറുകിട പദ്ധതികള്‍ മാത്രം(വൈദ്യുതിക്കും  വെള്ളത്തിനും) - അതും ഭാവിയില്‍ ആര്‍ക്കും ജീവന് ഭീഷണിയാവാതെ  ഉന്മൂലനം ചെയ്യാന്‍ സാധിക്കുന്നിടത്ത് മാത്രം -   ഓരോരോ ചെറു പ്രദേശങ്ങള്‍ക്ക് മാത്രമായി കണ്ടെത്തുകയല്ലേ അഭികാമ്യം.

നമുക്ക്  അത്തരത്തില്‍ ഉള്ള സ്ഥലങ്ങള്‍  നമ്മുടെ നാട്ടില്‍ ഒരു പക്ഷേ കാണില്ലേ?

പഞ്ചായത്തുകള്‍ മുതല്‍ അത്തരം കാര്യങ്ങളുടെ സാധ്യതക്കായി കണ്ണു തുറന്നു പരിശോധിക്കണം, പ്രയത്നിക്കണം   എന്ന് മാത്രം..

ഇത് പോലെ മറ്റു സംസ്ഥാനങ്ങള്‍ക്കും  ഉണ്ടാവും ഒരായിരം സാധ്യതകള്‍ ---!!

'പഠന സമിതികള്‍' സ്വന്തം തറവാട് വളര്‍ച്ചക്ക്  മാത്രം വേണ്ടിയുള്ള ഉപാധികളായി മാറുന്നതാണ് നമ്മുടെ ബുദ്ധിജീവികളുടെ കുഴപ്പം. മനുഷ്യന്റെ ആവശ്യങ്ങള്‍ അറിഞ്ഞു കണ്ടെത്തലുകള്‍ , പഠനങ്ങള്‍  ഉണ്ടാകുന്ന ഒരു സായിപ്പന്‍ ശൈലി നമ്മുടെ  നാടിനു എന്ന് കൈവരുമോ ദൈവമേ!!!

  .

എന്ത് പറയുന്നു ?

മുല്ലപ്പെരിയാര്‍ വിഷയത്തില്‍ കേരളത്തിന്റെ വാക്ക് കേള്‍ക്കാന്‍ മടിക്കുന്ന തമിഴ് നേതൃത്ത്വത്തിനെതിരെ നടത്തപ്പെടുമെന്നു  കേള്‍ക്കുന്ന പ്രതിഷേധ നടപടികളുടെ പ്രാരംഭ മെന്ന വണ്ണം തമിഴ് സിനിമകള്‍ക്ക് കേരളത്തില്‍ വിലക്ക് ഏര്‍പ്പെടുത്തുക എന്ന നീക്കത്തെ നമ്മുടെ സിനിമാക്കാരും തിയറ്റര്‍കാരും അനുകൂലിക്കുമെന്ന് തോന്നുന്നുണ്ടോ? ഒപ്പം  മുല്ലപ്പെരിയാര്‍ ജലം തമിഴന്റെ താഴ്ന്ന പ്രദേശത്തേക്ക് ചാലുകീറി ഒഴുക്കാനുള്ള നീക്കം കലാപത്തിലേക്ക് നയിക്കുകയില്ല എന്നും തോന്നുന്നുണ്ടോ?